Obbosí

Slaufur hárskraut

2010-05-21T11:33:00.003Z

Hún Hrafnhildur Obbosí skvísa gerir þessar yndislegu slaufur og spangir fyrir litlar prinsessur. Til sölu hér.

Etsy uppáhald

2010-02-02T00:30:00.004Z

Hversu krúttlegar eru þessar lambhúshettur frá NYrika á söluvefnum Etsy? Þær eru bara yndislegar, ég get ekki ákveðið hverja þeirra mig langar mest í!

Læðist þú um gólf heima hjá þér?

2009-07-06T16:04:00.003Z

Sefur barnið þitt laust? Myndir þú ganga svo langt að klæða stólana þína í sokka til að draga úr hávaða???

Hamingjan er...

2009-06-21T21:35:00.001Z

... blómvöndur frá þriggja ára mömmustrák :)

Stórar stelpur...

2009-06-07T00:29:00.003Z

...vilja líka leika sér í dúkkulísuleik. Og það geta þær gert á polyvore.com. Mig grunar að ég eigi eftir að eyða of miklum tíma hér!

Montrass!

2009-06-04T21:35:00.005Z

Montrassableiurnar sameina flest það sem ég kann að meta þegar ég kaupi eitthvað nýtt. Þær eru góðar fyrir umhverfið þar sem heilu bílfarmarnir af einnota bleium lenda ekki á haugunum, þær eru íslensk framleiðsla, meira að segja heimilisiðnaðarvara, þær eru góðar fyrir litla bossa og enn betri fyrir léttar buddur (2600 fyrir einlitar og 2900 fyrir marglitar - mun ódýrara en aðrar bleiur sem ég hef skoðað). Og svo getur maður sjálfur sett saman ótal lita bæði á ytra og innra byrði og meira að segja á smellunum. Ég er haldin slæmu tilfelli af valkvíða og því lét ég Hlín montrassadömu um að velja litina fyrir mig. Í dag fékk ég pöntunina mína heim og ég er svo sannarlega himinlifandi! Ef þið eruð í taubleiuhugleiðingum hvet ég ykkur til að líta á montrassar.net og láta freistast!

Pabbamorgnar á Kaffi Hljómalind

2009-06-01T15:43:00.003Z

Miðvikudagsmorgnar eru pabbamorgnar á Kaffi hljómalind. Klukkan 10 hittast heimavinnandi feður eða feður í fæðingarorlofi með krílin sín og eiga huggulega stund saman.

Ég vildi óska þess...

2009-05-28T12:00:00.002Z

... að ég kynni að prjóna! Fyrir ykkur sem eruð svo klárar í höndunum eru hér hellingur af ókeypis uppskriftum, á bæði börn og fullorðna.

Gaman á hönnunardögum

2009-03-27T20:58:00.002Z

Endilega kíkja í gömlu Rúgbrauðsgerðina um helgina!

Nýjasta Obbosí krílið

2009-02-27T13:08:00.001Z

Samuel Tumi fæddist 9. febrúar síðastliðinn og er nýjasta viðbótin í barnaflokkinn okkar Obbosí "stelpnanna". Þau eru þá orðin 5 talsins, krílin okkar.

Sofandi björn

2009-02-23T15:47:00.004Z

...oh þetta er svo flottur og svefnpoki:)

Eiko Ishizawa er snillingurinn á bak þetta.

Dalvíkursleðinn

2009-02-17T22:51:00.002Z

Dalvíkursleðinn er eftir Dag Óskarsson.

Sleðinn er svo sætur að ég vildi helst hafa hann bara í stofunni.

Sleðinn fæst t.d. í Þjóðminjasafninu og Birkilandi.

Phonofone II

2009-02-17T22:30:00.002Z

Ég á ekki ipod en kannski að maður skelli sér á einn til að hafa afsökun fyrir að fjárfesta í Phonofone....

Phonofone fæst hér.

Hendekagram frá Qed

2009-02-11T19:29:00.004Z

Alexander Rybol og Michael Neubauer hafa hannað þessu sniðugu "hátalara". Þetta er í raun bara framlenging á ... earphones (hvað er íslenska orðið?) og er hægt að tengja við þá t.d. ipod, mp3, eða tölvuna.

Hendekagram er ekki komið á markaðinn ennþá en hérna getið þið skoðað vefsíðuna.

Fugla órói

2009-02-11T14:06:00.002Z

Mig langar mjög í svona og það er aldrei að vita nema að ég setjist við saumavélina og taki síðan greinar úr garðinum....

Hér getið þið nálgast sniðið af fuglunum.

Einfalt og sætt

2009-02-11T13:45:00.003Z

Ég sá þetta hjá D*S og fannst þetta einföld og skemmtileg hugmynd ...og langaði því að deila henni með ykkur. Reyndar er þetta upphaflega frá Jessica Jones.

Sniðugt!

2009-02-10T18:43:00.001Z

Ég hefði haft gaman af svona þegar ég var lítil.

Ef þið viljið skoða nánar þá er það hérna.

PIssuskálar

2009-02-06T18:45:00.005Z

Mér finnst þetta pínu fyndið.

Bling frá Ben Blanc Studio

2009-02-06T18:19:00.006Z

Ertu efri eða neðri týpan?

Hringarnir fást hér.

Ruggukjúklingur

2009-02-06T17:36:00.005Z

Mig langar í svona!

skoða nánar hérna

Bee bee

2009-02-06T16:13:00.003Z

Bee Bee hanna litrík og skemmtileg barnaföt. Bee-shirt eru rokkaralegir bolir og samfellur. Ég hef áður séð einhverjar útfærslur rokkara barnafötum og finnst mér þessi útgáfa nokkuð góð en ég væri til í að sleppa stöfunum á ermunum og þá fengi þessi samfella 9,5 í einkunn frá mér;)

...og hér kemur Elvis aðdáandi....

Skoðið meira frá Bee Bee hér.

Meðgöngu- og brjóstagjafaflíkur

2009-02-05T15:42:00.006Z

Ég var svo heppin af fá í afmælisgjöf peysu frá Lykkjufalli þegar ég var á síðustu metrum meðgöngu minnar.

Peysan hefur aldeilis verið mikið notuð... bæði sem meðgöngupeysa, brjósagjafapeysa og svo bara sem flott peysa eða kjóll fyrir konu sem er hvorki barnshafandi eða með barn á brjósti.

Ef þið viljið skoða fleiri peysur og kjóla frá Lykkjufalli þá er það hérna.

Ég var að skoða á netinu eins og svo oft áður og sá þá meðgöngu- og brjóstagjafakjólana frá Stephanie Schell og langaði eiginlega bara að koma með þriðja barnið....

Mig langar ekki í svona glös....

2009-02-04T22:17:00.001Z

en ef ykkur langar þá fást þau hérna.

Mig langar í svona glös!

2009-02-04T22:13:00.001Z

Þau fást hérna.

Litað á boli

2009-02-04T19:47:00.003Z

Þessi frábæri stuttermabolur er frá Albino.

...svo er hugmynd í kreppunni að teikna sjálfur mynd á hvítan stuttermabol sem unginn litar.

Ef þú vilt skoða nánar þá er það hérna.

Ungbarnabað

2009-02-03T18:32:00.003Z

Puj Tub er ótrúlega sniðug uppfinning. Maður einfaldlega skellir því í litla vaskinn heima sem verður að fyrirtaks ungbarnabaði.

Til að fræðast meira um fyrirbærið eða versla þá er það hérna.

Erró og Ilmur

2009-02-02T23:24:00.003Z

Mig langaði til að benda ykkur á einstaklega skemmtilega sýningu sem er í Hafnarhúsinu. Ég læt mér nægja að afrita textann sem er inni á síðu Listasafns Reykjavíkur þar sem hann lýsir sýningunni nokkuð vel:)

ERRÓ - MYNDASPIL

Fjölskylduvæn sýning sem Ilmur Stefánsdóttir listamaður á veg og vanda að. Á sýningunni bregður Ilmur á leik með nokkur af stærri verkum Errós, brýtur þau niður í stóra, handhæga kubba sem hægt er að raða aftur samkvæmt frummyndinni, sem hangir á veggnum eða skapa ný verk. Kubbarnir eru mjúkir og bjóða upp á fleiri notkunarmöguleika, t.d. að búa til sófa, borð, turna eða hvaðeina annað. Á veggjum sýningarsalarins eru einnig hugmyndir að leikjum sem lúta að myndefni kubbana, eins og að finna ákveðnar persónur, hluti og fyrirbæri og raða þeim saman og mynda þannig nýtt listaverk.

Ruthless & Toothless

2009-02-02T17:07:00.002Z

Ég verð að viðurkenna að þetta er ekki minn smekkur en það er samt gaman af þessum samfellum... þær eru ekki mjög týpískar!

Ef þið viljið skoðað fleiri föt í þessum stíl þá kíkið hérna.

Egg og beikon

2009-02-01T10:52:00.003Z

Fyrir þá sem kunna að þæfa þá er þetta ótrúlega flott hugmynd af leikföngum en fyrir hina þá fæst þæfður matur hérna.

Hversu margar skúffur þarftu?

2009-02-01T10:27:00.003Z

Staflaðu af vild:)

Skúffurnar fást t.d. hérna.

Blöðruknúinn bátur

2009-01-31T18:29:00.003Z

Það myndu ekki margir segja nei við svona leikfangi!

Báturinn fæst t.d. hérna.

Ský eftir Donnu Wilson

2009-01-31T18:10:00.003Z

Það er eitthvað heillandi við þessa púða...

...frá því ég var lítil stelpa hefur mig dreymt um að liggja á skýjahnoðra....

Skýin fást í 3 litum og 3 stærðum. Frekari upplýsingar eru hér.

Taubleiubrot

2009-01-28T00:12:00.004Z

Ég á von á mínu öðru barni innan skamms og ég hef verið að íhuga að nota taubleiur, allavega að hluta til. Ég uppgötvaði hvílíkur frumskógur taubleiuheimurinn er þegar ég fór að kynna mér málið, en ég ákvað að kaupa bara eitt eða tvö stykki af nokkrum mismunandi tegundum, sjá svo hvað mér líkar best að nota og kaupa þá fleiri af þeim. Ég á núna tvær vasableiur úr krónunni í stærð xs, eina "all in one" og eina vasableiu frá Mommy's touch, þær koma bara í einni stærð, eina vasableiu frá Bumgenious í minnstu stærð og fyrir þetta allt saman hef ég keypt ýmis konar innlegg í mismunandi stærðum, úr bæði microfiber og hamp. Svo ætla ég að kaupa eins og tvennar bleiubuxur til að nota með gömlu góðu gasbleiunum. Þær þarf auðvitað að brjóta saman eftir kúnstarinnar reglum en þar sem það eru hátt í 30 ár síðan móðir mín átti bleiubörn var fátt um svör þegar ég spurði hana hvernig maður bæri sig að. Sem betur fer er nú hægt að finna allt á internetinu, svo hér er hlekkur á myndband sem sýnir taubleiubrot fyrir nýfædd börn, og hér hvernig bleian er sett á.

Að gera klárt fyrir lítið barn...

2009-01-11T20:54:00.000Z

... getur verið erfitt þegar bumban þvælist fyrir!

Hot mama!

2009-01-09T23:29:00.003Z

Þegar ég sá þessa mynd (á apt #34 og fadtony) fylltist ég söknuði til hælaháu skónna minna en samtímis fullvissu um að ég muni klæðast þeim á ný, og þá sem tveggja barna móðir. Ég á um tvö eða þrjú pör af (mjög svo flötum) skóm sem eru þægilegir fyrir mig núna (komin rúmlega 8 mánuði á leið), og fyrir skósjúkling eins og mig er það algjör kvöl og pína! Ég lít niður á skósafnið mitt á hverjum degi þar sem það safnar ryki neðst í skápnum mínum, og allt eftir því skapi sem ég er í þá stundina (eða mínútuna) gerir það mig ægilega dapra eða ógurlega hamingjusama.

Það getur verið dálítil þraut að vera í hælaháum skóm þegar maður er á ferðinni með börn, en það er alveg hægt. Veldu þér þægilegt par (þau eru til) og hafðu nokkra hluti í huga: Kerrur og vagnar eru mikil hjálp því það er hægt að styðja sig við þá. Ekki plana langa göngutúra. Gerðu ráð fyrir nokkrum stoppum (kaffi fyrir þig, mjólk eða ávaxtasafi og hollur biti fyrir börnin - til að forða þeim frá vandræðum). Ef veðrið er gott, skelltu þá þægilegum sandölum í töskuna, þú gætir orðið ótrúlega þakklát fyrir það og þá hefurðu allavega verið skvísuleg hluta af leiðinni!

Smá sýnishorn af uppáhalds.

Draumurinn. Myndin er tekin af obbosí-vinkonu minni í Absolute Vintage í London. Hún er eina manneskjan m ég þekki sem er meiri skósjúklingur en ég!

P.S. Ég skrifaði þennan póst áður á lítið hliðarverkefni sem ég er með í gangi, Not Your Goddess. Endilega tékkið á því líka :)

Mjólkurglösin Fjölskyldan mín

2008-12-20T09:08:00.007Z

Fjölskyldan mín er sköpuð til að brjóta upp hversdagsleikann á heimilinu. Þemað er hin íslenska fjölskylda, þjóðbúningurinn okkar, torfbæirnir, kindin og sveitin fagra tengja okkur fortíðinni og rótum okkar.

Glösin eru eftir okkur Dagnýju og hér er vefsíðan okkar.

Hægt er að kaupa glösin á netinu hjá Birkilandi
...og svo fást þau í Epal, Kraum, Þjóðminjasafninu, Landnámssetrinu í Borgarnesi, Snúðum & Snældum á Selfossi, Birtu á Egilsstöðum, Blómabúðinni á Sauðárkróki, Blómaturninum á Ísafirði, Póley Vestmannaeyjum, Tante Grete á Akureyri, Bláa Lóninu í Grindavík.

Ekki Rúdólfur

2008-12-18T12:33:00.003Z

Snagarnir eru úr krossvið sem er sprautulakkaður hvítur eða svartur. Settið er u.þ.b. 1 m á breidd.

Ekki Rúdólfur fæst á netinu hjá Birkilandi, Sirku og Rocket St George.

Einnig fæst hann í Epal, Kraum, Sirku, Póley og Þjóðminjasafninu.

Fagurkerinn Krummi

2008-12-15T01:54:00.012Z

Í framhaldi af póstinum hér fyrir neðan þá langar mig til að sýna ykkur í nokkrum póstum hvað ég ef verið að fást við.

Krummi elskar fallega hluti og grípur þá til að færa í hreiðrið sitt.

Herðatrén hanga úr loftinu í stálvír og birtast sem fljúgandi hrafnar.

Þau fást í plexigleri og krossvið. Krummi eru tilvalinn í forstofuna fyrir yfirhafnir - eða bara fyrir uppáhalds kjólinn, til að hafa til sýnis í staðin fyrir að fela hann inni í fataskáp.

Í sömu krumma fjölskyldu eru herðatré með hanka til að hengja upp á slá

...og herðatré til að hengja upp buxur og pils.

Hægt er að kaupa Krumma á netinu hjá Sirku og Birkilandi.

Einnig fæst hann í Epal, Kisunni, Kraum, Póley, Sirku, Snúðum & Snældum og Þjóminjasafninu.

Mikið að gera!

2008-12-13T10:45:00.002Z

Eins og tryggir lesendur Obbosí hafa tekið eftir hefur ekki verið mikið um nýja pósta hér á síðunni undanfarið. Margvísleg verkefni hafa haldið okkur uppteknum við annað; ein hefur hafið nám samhliða vinnu, önnur er að koma eigin fyrirtæki á legg og þreifa fyrir sér í útlöndum og sú þriðja hefur ákveðið að fjölga í obbosí barnahópnum og er eftir því uppgefin þegar fullum vinnudegi er lokið. Við munum þó halda áfram að setja inn nýtt efni eftir því sem tækifæri gefast, og við vonum að lesendur okkar haldi áfram að líta við.

Kreppu gjafamiðar

2008-12-12T10:22:00.003Z

Þessa fallegu miða sáum við á blogginu hjá OhJoy. Þetta er ótrúlega flott lausn í kreppunni!

Draumur hverrar konu!

2008-12-08T00:05:00.006Z

Ég rakst á alveg ótrúlega síðu í dag. Hér geturðu hlaðið inn mynd af sjálfri þér og manninum þínum og séð hvernig barnið ykkar mun líta út! Þar sem ég á nú þegar barn með manninum mínum fannst mér það nú ekki nógu spennandi, svo hér sjáið þið hvernig barnið mitt og Brad Pitt myndi líta út!

Þá á ég bara eftir að athuga með Johnny Depp, Matt Damon, Gael Garcia Bernal, Christian Bale, Jake Gyllenhaal (namm namm)... Þetta verður gaman!

Listaverk beint úr prentaranum II

2008-11-19T18:27:00.007Z

Ég var svo hrifin af færslunni hennar Hörpu, "listaverk beint úr prentaranum" að ég ákvað að prófa sjálf. Listaverkið er gert úr 36 A4 blöðum og hangir það nú á besta stað í stofunni.

Skiptitöskur fyrir skvísur

2008-11-15T13:14:00.007Z

Það verður að segjast að skiptitöskur eru sjaldan smart og oftast eru þær ekki merkilegri en venjulegir bakpokar. Þess vegna fæ ég fiðring í magan við að skoða skiptitöskurnar hjá Miabossi - diapers in disguise.

Þar er mottóið að hanna fallegar töskur sem um leið eru praktískar skiptitöskur og tölvutöskur!

Með hverri tösku fylgir tvennskonar skipulag sem er hægt að skipta út eftir þörfum.

Hér sjáið þið þegar taskan er nýtt sem skiptitaska.

og hér þegar hún er nýtt sem tölvutaska.

Hér getið þið skoðað mismunandi gerðir sem eru í boði hjá Miabossi og verslað

Handgerð leikföng

2008-10-16T21:23:00.006Z

Etsy.com er síða þar sem handlagnir einstaklingar geta selt handgerðar vörur. Þar er hægt að finna ógrynni af barnavörum, þar á meðal leikföng. Ég ætla nú ekki að fara að leggja til að við förum að eyða krónunum okkar í rándýra vöru í dollurum (spurning hvort það sé nokkuð hægt jafnvel), en hér má þó finna innblástur að heimagerðum jólagjöfum.

Púslufiðrildi frá usnavyretiredvet.

Fíll á hjólum frá Cookie Dough.

Prjónuð skjaldbaka frá Happy Whosits.Rugguhestur frá Little Sapling Toys.

Brjóstagjafavikan 2008

2008-10-09T22:07:00.003Z

Nú stendur yfir hin alþjóðlega brjóstagjafavika og er hún haldin hátíðleg á Íslandi dagana 6.-12. október. Þemað í ár er stuðningur, stuðningur við hina mjólkandi móður. Á heimasíðu vikunnar segir meðal annars:

Þegar mæður með börn á brjósti fá nægan stuðning græða allir í samfélaginu. Börnin græða á því að fá bestu fæðu sem völ er á, sérhannaða til þess að tryggja heilbrigðan vöxt og þroska barnsins. Ávinningur fyrir móður er einnig mikill. Brjóstagjöf dregur meðal annars úr streitu, minnkar líkur á fæðingarþunglyndi, styrkir tengslamyndun við barnið og dregur úr líkum á brjóstakrabbameini. Stórfjölskyldan græðir á því að hafa ánægðara og glaðbeittara barn í kringum sig og vinnuveitendur græða á því að fjarvistir frá vinnu vegna veikinda eru færri, heilbrigðiskerfið græðir af því að brjóstabörn þurfa síður að leggjast inn á spítala. Samfélagið í heild græðir á því að styðja við mæður með barn á brjósti.

Ýmsan fróðleik er að finna á síðunni, og einnig dagskránna, en hana má nálgast með því að smella hér.

Hvað á ég að gefa litla barninu mínu að borða?

2008-10-05T22:55:00.003Z

Mig langaði að benda ykkur á námskeið sem haldið verður hjá Maður lifandi þann 15. október næstkomandi, sem nefnist "Hvað á ég að gefa litla barninu mínu að borða?"

Námskeið um hvernig á að útbúa einfaldan en næringarríkan mat fyrir börn frá 6 mánaða aldri. Farið verður yfir hvaða fæðutegundum er gott að byrja á og hvenær.
Einnig verður kennt að meðhöndla og búa til rétti sem innihalda:
ávexti og grænmeti
þurrkaða ávexti
heilt korn eins og quinoa, hirsi, hafra, spelti o.fl.
baunir eins og linsubaunir (afar prótein- og járnríkar)
kaldpressaðar olíur eins og sólblóma-, ólífu-, hörfræ-, möndlu- og kókosolíu
möndlumauk og tahini (sesammauk)
möndlur og fræ ... Svo eitthvað sé nefnt.
Námskeiðið nýtist einnig vel þeim sem eru með eldri börn. Nýjar uppskriftir og fróðleiksmolar fylgja með námskeiðinu og verða nokkrir réttir og "drykkir" útbúnir á staðnum. Leiðbeinandi: Ebba Guðný Guðmundsdóttir kennari Verð: 3.500 kr. Upplýsingar og skráning: síma 694-6386 og á netfanginu ebbagudny@mac.com

Að hætta með bleyju... á japönsku!

2008-10-03T21:01:00.002Z

Ég er ekki viss hvort að þetta sé auglýsing, barnaefni eða bara grín! Ég googlaði "potty training" og þetta var eitt af því fyrsta sem kom upp.

Unglingaherbergið

2008-09-28T21:29:00.003Z

Börnum getur fylgt heilmikið dót, en það virðist stundum ekki neitt miðað við unglingana. Ofan á það bætist að það getur reynst þrautinni þyngra að fá þá til að halda herberginu sínu snyrtilegu (eða bara ekki eins og kjarnorkustyrjöld hafi farið þar fram). Við getum þó reynt að sjá til þess að það sé til staður fyrir allt dótið þeirra og þá koma hillur eins og expedit hillan frá IKEA að góðum notum. Benita hjá Chez Larsson hefur einmitt komið einni slíkri fyrir í herbergi 14 ára sonar síns og hýsir hún tölvuleiki, DVD myndir, tímarit, bækur og alls kyns dót sem er unglingunum nauðsyn. Í körfunum neðst er að finna snúrur og þess háttar hluti sem enginn (eða allavega ekki hún) vill sjá. Hún hefur meira að segja útbúið upphækkanir úr frauðpappa (örugglega hægt að fá afganga hjá prentstofum eins og Samskiptum eða Prenttorgi), svo hægt sé að nýta dýpt hillanna betur. Þá er allavega engin afsökun til að láta dótið sitt liggja úti um allt, en annað mál hvort það breyti einhverju um umgengnina.

Öðruvísi lausnir í barnaherbergið

2008-09-22T21:57:00.010Z

Það er enginn vafi á því að það er úr mörgu að velja þegar kemur að því að velja húsgögn í barnaherbregið. Sumum finnst úrvalið þó ekki nóg, og mörgum blöskrar verðlagið. Hvernig væri að virkja ímyndunaraflið og velja óhefðbundnar lausnir? Þannig er jafnvel hægt að spara heilmikinn pening og gera sitt fyrir umhverfið í leiðinni. Þetta sérstaka loftljós er til dæmis búið til úr gamalli þvottavélatromlu.

Hér hefur gamalt sófaborð verið nýtt undir leikfangaflóð barnsins á heimilinu. Kubbar og annað slíkt fá sinn stað í fötum undir borðinu og bækur, púsluspil og fleira sóma sér vel ofaná því. Sófaborð hafa einmitt mjög þægilega hæð fyrir börnin að sitja eða standa við á meðan þau kubba eða púsla.

Hér er annað skemmtilegt ljós sem gæti sómað sér vel í herbergi lítils ævintýrafólks. Maður gæti verið heppinn að finna eitthvað svona í Góða Hirðinum fyrir lítinn pening.

Nú svo má alltaf búa eitthvað til sjálfur, og yfir á Ohdeedoh er nú samkeppni í gangi um besta saumaverkefnið. Keppendur senda inn myndir af teppum, töskum, leikföngum eða öðru sem þeir hafa saumað og þar geta handlagnir sótt innblástur fyrir hina ýmsu hluti, t.d. bútasaumsteppi.

Bara einn til að koma okkur í gott skap

2008-09-20T22:51:00.005Z

Það er alveg sama hvað ég horfi oft á þetta, ég hlæ alltaf jafn mikið.

Fyrir litla tækninörda...

2008-09-18T22:22:00.006Z

Eða öllu heldur börn stórra tækninörda. Ég er svo mikill lúði að ég á varla i-pod. Ég segi varla því ég á einhvers staðar gamlan i-pod shuffle sem ég hef aldrei notað en fékk frá móður minni þegar hún fékk sér nýtt módel. Ég rekst reglulega á hann þegar ég leita að snúrunni fyrir myndavélina okkar. En þessi samfella er voðalega krúttleg og maður getur ímyndað sér að börnin sem klæðast þeim fái margar kitlur á mallann frá áðurnefndum tækninördum. Ég er sjálf svo mikil "retro" manneskja að mér fyndist sniðugast að kaupa svona núna og gefa einhverjum eftir ca. 20 ár - þá er þetta orðið töff!

LITLAR STJÖRNUR

2008-09-16T21:32:00.002Z

Við fjölskyldan skelltum okkur í IKEA í dag til að kaupa spegil og gera okkur glaðan dag og fara út að borða. Á barnvænan veitingastað þar sem fáir kippa sér upp við þó að barnið reki upp frekjuóp og skemmtióp.

En er við göngum inn kemur kona til mín og spyr hvort hún megi gefa mér nafnspjald.. fyrsta sem kom upp í huga mér að hún væri trúboði. En ég sagði: Jú auðvitað!

En þá var hún að gefa mér nafnspjald af ógurlega sætri netverslun sem heitir Litlar stjörnur. Heimasíðan er hér.

En þar fást þessir ógurlega krúttlegu leðurskór, hver veit nema að litli prinsinn sem ég mun þekkja brátt fái svona skó í pakkann sinn.

Ikea Hacker

2008-09-12T21:40:00.004Z

Ikea Hacker er síða þar sem handlagið fólk getur sent inn myndir af hlutum sem það hefur búið til úr húsgögnum og öðru sem keypt hefur verið í Ikea. Við höfum áður skrifað um skiptiveski sem búið var til úr geisladiskamöppu, og nú fundum við þennan krúttlega barnafataskáp sem búinn var til úr lítilli bókahillu. Smellið hér til að nálgast leiðbeiningarnar.

Úff, haustið komið!

2008-09-11T22:35:00.008Z

Já það fer um mig hrollur þegar ég lít út um gluggann á morgnana þessa dagana. Ég er farin að finna til þykku peysurnar og lopasokkana og sé kósíkvöld fyrir framan sjónvarpið í hillingum. Einhvern vegin er þetta samt minn uppáhalds tími ársins, það er svo notalegt að kúra í hlýjunni á meðan rigningin ber á gluggunum. Auðvitað eyði ég líka hellings tíma fyrir framan tölvuna á svona kvöldum og finnst fátt skemmtilegra en að skoða hvað gæti verið gaman að eyða peningunum í. Hér kemur brot af því sem ég hef verið að skoða:

Ætli það sé hægt að fá þetta í fullorðinsstærðum? Teddy Toes Couture flísteppi fæst hér.

Ævintýralegt tjald fyrir spennandi innileiki. Fæst t.d. á Amazon.

Þessi frábæri púði sem er hægt að stinga fótunum ofaní fæst í Ikea á 695 krónur!

Þessi græni flóðhestalampi kemur manni í gott skap um leið og hann lýsir upp skammdegið! Fæst hér.

Einn furðuhlutur að lokum. Þetta er trefill. Sem um leið er ferðaskemmtistaður fyrir ungabörn. Vefðu honum um hálsinn á þér og sláðu tvær flugur í einu höggi. Haltu á þér hita og hafðu ofan af fyrir barninu þínu (svo lengi sem þú heldur á því). Ég veit nú ekki hvort ég myndi láta sjá mig með þetta!

Í nestisboxið

2008-09-04T23:15:00.003Z

Ef þig vantar hugmyndir að nesti til að senda börnin með í skólann má alltaf tékka á bento boxes á flickr.

Einfalt og fljótlegt

2008-08-28T21:45:00.012Z

Öll viljum við elda hollan og góðan mat fyrir börnin okkar. En oft er tíminn krappur, orkan lítil og þolinmæði allrar fjölskyldunnar á þrotum eftir langan og strangan dag í vinnu, skóla og leikskóla. Þá er gott að eiga nokkra fljótlega og einfalda rétti í pokahorninu sem bragðast vel, þó svo þeir séu kannski ekki alveg þeir allra hollustu. Hér á eftir koma nokkrar hugmyndir sem vert væri að prófa.
Pasta:
- Sjóðið pasta og hendið skornu spergilkáli ofan í pastavatnið seinustu tvær mínúturnar. Hellið vatninu af og bætið tómötum (e.t.v. sólþurrkuðum), ristuðum furuhnetum og skvettu af ólívuolíu ofaní pottinn. Smakkið til með salti og pipar. Einhverjir fjölskyldumeðlimir gætu viljað tómatsósu með.
-Sjóðið pasta, sigtið vatnið frá og setjið pastað aftur ofaní pottinn. Setjið strax bita af reyktum lax eða silung ofaní pastað. Ólífuolía, salt og pipar, sítrónusafi.
Þessar tvær uppskriftir fékk ég hjá þriggja barna móður sem ég vinn með og þær vekja alltaf mikla lukku hjá hennar börnum.
-Sjóðið pasta og ristið á meðan gróft hakkaðar möndlur á pönnu. Þegar möndlurnar eru ristaðar, notið sömu pönnu til að steikja beikon (sparið uppvaskið). Hellið vatninu af pastanu, hrærið pestó við, skellið hökkuðum tómötum ofaní og möndlunum. Setjið á diska og stráið parmesan og stökkum beikonbitum yfir (ég nota skæri til að skera beikonstrimlana í litla bita).
Þessa uppskrift notaði ég mikið á námsárunum, einföld, fljótleg, ódýr og bragðgóð.
Matmikil eggjakaka:
-Hrærið saman eggjum og örlitlu af mjólk (fjöldi eggja fer eftir stærð fjölskyldunnar). Setjið út í það sem er til í ísskápnum, t.d.
Laukur, pylsubitar og gular baunir
Vorlaukur, tómatar og ostur
Steikið á pönnu, berið e.t.v. fram með góðu brauði og smá salati.
Cous cous salat:
Þessi er kannski ekkert sérstaklega barnvæn, en ég læt hana fylgja með sökum þess hve ótrúlega auðveld og bragðgóð hún er. Ég geri þetta t.d. oft í hádeginu í vinnunni því það er engin eldamennska í henni, bara hræra saman góðu hráefni.
- Setjið cous cous í skál og hellið sjóðandi vatni (úr katlinum á kaffistofunni) yfir. Hellið smá ólífuolíu yfir og salti. Á meðan cous cous-ið liggur í bleyti, skerið niður t.d. tómata, avocado, rauðlauk. Blandið saman við cous cous-ið. Bætið við t.d. furuhnetum, fetaosti, klettasalati og hverju sem ykkur dettur í hug. Bragðbætið með balsamic ediki.
Svo læt ég eina ofur einfalda eplaköku fylgja með í lokin:
- Deig:
175 g brætt smjörlíki
175 g hveiti
85 g sykur
1 tsk lyftiduft
- Fylling:
ca. 250 g epli (í súrari kantinum)
2 msk sykur
2 msk kanill
Blandið hveiti, sykri og lyftidufti saman í skál og hrærið smjörlíkinu saman við
Pressið deigið út í eldfast mót (munið að smyrja mótið ef þess er þörf)
Skrælið eplin og skerið í þunna báta
Dreifið eplabátunum á tertubotninn
Bakið í 20-25 mínútur við 225°c
Berið fram volga tertuna með ís eða rjóma

Geggjuð koja

2008-08-21T22:04:00.002Z

Ef þið eruð jafn háð daglegum skammti af Apartment Therapy og ég, þá hafið þið eflaust rekist á þessa mynd nú þegar. Pósturinn þar fjallar reyndar um gólfið sem sést á myndinni en ég kolféll strax fyrir kojunni. Þvílíkur draumur í barnaherbergið!

Leiðist krökkunum?

2008-08-20T21:57:00.000Z

Hvernig væri að stinga upp á að þau byggðu meistaraverk úr tannstönglum og kennaratyggjói, eins og KidsHaus stingur upp á? Kannski leynist lítill arkitekt eða verkfræðingur á þínu heimili!

Skreytingar fyrir formkökur

2008-08-19T19:55:00.007Z

Ég var að skoða bloggið hjá Oh Joy og sá þessar flottu skreytingar utan formkökur. Ég er ekki góður bakari en ég verð að viðurkenna að það vaknaði smá áhugi á að verða betri þegar ég sá skreytingarnar.

Skreytingarnar eru frá Paper Orchid

Njóttu brjóstagjafaþokunnar

2008-08-18T22:15:00.003Z

Á Amazon.com fann ég tilvaldna gjöf handa einhverri af nokkrum vinkonum mínum sem eru með barni. Gjöf sem ég hefði alveg viljað eiga í öllu panikinu þegar mitt kríli fæddist.

Ég átti voðalega erfitt með að muna allt og ekkert, hvort sem það var hvenær barnið drakk, svaf lengi eða lítið, ropaði kröftuglega eða voða lítið, hvort ég las blaðið eða ekki og hvort ég þvoði mér yfir höfuð eða skipti um föt (gerði það nú en segi bara svona).

Itzbeen Baby Care Timer er með nokkrar stillingar. Allt í allt eru 4 minnismöguleikar þannig að hægt er að stilla hvenær var skipt seinast á barninu, hvenær það borðaði síðast, hvenær það sofnaði eða fékk t.d. lyfin sín. Einnig er tækið með takka sem heldur utan um á hvort brjóstið barnið var lagt á síðast.

Tækið vann iParenting Media Award árið 2007.

Tækið er hægt að panta á Amazon.com

Ökklastígvél fyrir 3 - 12 mánaða skvísur

2008-08-18T22:08:00.005Z

Ég verð alveg sjúk þegar ég skoða ungbarnafötin á Little Fashion Gallery,

Þetta er ekki í fyrsta skipti sem ég fell fyrir skóm fyrir 3 -12 mánaða stelpur. Því miður eru þeir ekki til í minni stærð þannig að það er aldrei að vita nema að ég fjárfesti í pari handa litlu bumbufrænku minni.

Svörtu ökklastígvélin fást hérna

og bleiku ökklastígvélin fást hérna

BÚMM, BÚMM, BÚMM...

2008-08-17T21:15:00.005Z

Þegar ég var lítil vissi ég um fátt skemmtilegra en að búa til hús með því að raða saman stólum og setja teppi yfir. Litla stelpan í mér fær öran hjartslátt við tilhugsunina um að eiga græju eins og CRAZY FORTS.

Mig grunar að sonur minn fái svona í jólagjöf;)

CRAZY FORTS fæst t.d. hérna

Krúttuleg verkfæri

2008-08-13T10:15:00.005Z

Fiona Dyer er listamaður frá Ástralíu sem saumar fallegar hringlur í líki verkfæra.

Þetta er skemmtileg hugmynd sem handlagnir geta útfært á sinn hátt og jafnvel nýtt efnisafgangana sem eiga til að safnast fyrir.

Hringlurnar fást hérna.

Brjóstagjöf

2008-08-11T22:15:00.005Z

Það mætti ætla að brjóstagjöf væri það auðveldasta í heimi. Hvað gæti verið eðlilegra en að móðir og nýfætt barn hennar njóti brjóstagjafarinnar frá fyrsta augnabliki þeirra saman eftir fæðinguna? Samt sem áður eru margar konur sem eiga í miklum vandræðum með einmitt þetta. Sárar, blæðandi geirvörtur og ótrúlegur sársauki 8-10 sinnum á sólarhring ofaní hormónarússíbanann fyrstu vikurnar getur reynst sumum of mikið og þær gefast upp og grípa til pelans. Ég get sagt fyrir mitt leyti að eftir um 6 vikur var ég við það að gefast upp en fékk að lokum ótrúlega góða hjálp og endaði á því að vera með son minn á brjósti í 14 mánuði. Eftir að ég komst upp á lagið með að láta hann taka brjóstið rétt var þetta einmitt það auðveldasta í heimi og ótrúlega góð upplifun. Það er hægt að lesa sér til um brjóstagjöf bæði í bókum og á ýmsum vefsíðum til að undirbúa sig, til dæmis hérna. Ég hafði þó lesið allt sem ég komst í fyrir fæðinguna og sérstaklega eftir fæðinguna en það var ekki fyrr en ég sótti námskeið þar sem mér var sýnt nákvæmlega hvað ég átti að gera að mér tókst að láta hann taka brjóstið rétt. Og þvílík tilfinning að geta gefið barninu sínu brjóst án þess að langa til að öskra af sársauka! Á þessum tíma bjuggum við í London en það er auðvitað hægt að fá hjálp á ýmsum stöðum hérlendis. Boðið er upp á námskeið fyrir fæðinguna og einnig eru ráðgjafar til staðar á spítulunum (spurðu ljósmóðurina þína um þessa þjónustu). Það mikilvægasta er að leita sér hjálpar ef þú ert í vandræðum því það er nógu erfitt að sjá um nýfætt barn án þess að vera með áhyggjur af þessu líka.

I SPY speglar

2008-08-07T21:41:00.004Z

Ástralski hönnuðurinn Cindy-Lee Davis hefur hannað skemmtilega silúettu spegla seríu af börnum á hreyfingu. Hægt er að velja á milli, TO DANCE, TO CLIMB, TO FIND og TO WEAR.

Þessu líflegu speglar fást t.d. hér.

Hugmyndir fyrir afmælisveisluna

2008-08-05T22:32:00.001Z

Flest íslensk barnaafmæli fylgja fremur einfaldri uppskrift. Boðið er upp á afmælisköku og fleira góðgæti, vinum og fjölskyldum er boðið og allir skemmta sér vel saman. Eftir veisluhöldin er lagað til og vaskað upp og þegar börnin eru loksins búin að jafna sig á sykurvímunni og komin í háttinn hníga foreldrarnir niður í sófa og skella fótunum upp á borð. Fæstir eyða ótæpilegum fjármunum eða orku í herlegheitin, aðalatriðið er að barnið eigi skemmtilegan dag. Víða erlendis hefur eins konar samkeppni gripið um sig meðal foreldra sem reyna að halda stærri og stórfenglegri veislur en allir hinir. Börnin sjálf hafa gleymst í sýndarleiknum og foreldrarnir hálf sturlaðir af stressi. Nú er hins vegar komið fram það sem kallast "slow party movement" þar sem fólk er farið að slaka á kröfunum til sjálfs sín og farið að einbeita sér að því sem skiptir máli. Þó virðist fólk þurfa að styðjast við ákveðin þemu, sem getur auðvitað verið mjög skemmtilegt. Á Kidshaus fundum við nokkrar skemmtilegar hugmyndir að þemum og skemmtun í barnaafmælin:

Garðveisla þar sem börnin mála blómapotta og gróðursetja blóm
Bjóða upp á ferskan, lífrænt ræktaðan mat, í stað skyndibita
Til að sporna við sóun í lítils nýtar gjafir gefa foreldrar litla peningaupphæð upp í stærri gjöf.
Þú og barnið þitt skreytið og setjið saman gjafapoka eða "goodie bags" (þetta tíðkast mikið í veislum erlendis en ég hef ekki séð þetta í veislum hér).

Að lokum er boðið upp á sýnishorn úr afmælisveislu með japönsku þema, en það væri hægt að finna upp á ýmsu öðru, eins og t.d. sjóræningjaparý, listasmiðjuveisla með alls kyns föndri, lautarferð, íþróttapartý eða hvað sem manni dettur í hug. Það væri gaman að heyra hvað þið hafið gert skemmtilegt og óvenjulegt á afmæli barnanna ykkar.

Meira um crocs

2008-07-28T23:45:00.004Z

Ég veit ekki hvar þið standið í sambandi við crocs skóna og ég skal láta ósagt hver mín eigin skoðun er, en fyrir aðdáendur skærlitaðs skótaus úr léttu plasti vil ég kynna til sögunnar handtösku í stíl! Sannar dömur bera töskur í stíl við skóna sína, er það ekki? Meira að segja í garðvinnuna (ef það kveikir í ykkur, rifjið þá endilega upp þennan póst), á ströndina, í sund eða hvað sem ykkur dytti í hug að nota þetta í. Fæst hér.

Allt um meðgönguna

2008-07-27T22:19:00.002Z

Það er til hellingur af síðum sem bjóða upp á alls kyns upplýsingar um meðgönguna. Ein af þeim skemmtilegri er Fit Pregnancy, og þá sérstaklega "style" hluti síðunnar. Þar er að finna tískuþætti, ráð varðandi líkamsrækt og snyrtingu og fyrir þá daga sem maður hefur lítið að gera annað en að bíða eftir krílinu sínu er líka hægt að finna smá stjörnuslúður - að sjálfsögðu um hver er nú farin að spóka sig um með bumbu og í hvaða fötum hún er!

Fallegt ferðarúm

2008-07-22T00:03:00.004Z

Glæsilegt ferðarúm frá belgíska fyrirtækinu Childwood. Það væri ekki slæmt að eiga svona fallegt ferðarúm þegar litla gesti ber að garði. Tilvalin jólagjöf handa ömmu og afa. Fallegt og nett rúm sem passar vel við fallegu húsgögnin hjá ömmu og afa eða frænku og frænda.

Það er held ég ekki hægt að panta það af síðunni en það eru upplýsingar um söluaðila þar og sá sem er okkur næst er í Svíþjóð en svo sá ég að það er hægt að panta þetta á ebay og nokkrum öðrum stöðum á netinu með því að gúggla "childwood folding bed online store".

Litlir listamenn, stór listaverk

2008-07-18T21:25:00.007Z

Ertu stundum í vandræðum með hvað þú átt að gera við listaverkin sem litlu listamennirnir þínir færa þér? Er ísskápshurðin troðfull nú þegar? Manuela og Dario hafa gefið listaverkum barna sinna heiðursess á heimili þeirra og eins og sjá má á efri myndinni þarf ekki að kosta miklu til eða hafa mikið fyrir því. Þarna er myndin einfaldlega "römmuð inn" með málningateipi.

Mér finnst líka góð hugmynd að taka litlar teikningar og stækka þær margfalt í ljósritunarvél, með svipaðri útkomu og andlitsmyndirnar hér fyrir neðan.

Látið Buddha vísa veginn!

2008-07-15T21:33:00.006Z

Það getur tekið á taugarnar að ala upp börn. Við höfum öll prófað að standa úti í búð með öskrandi krakka og mest langað til að henda okkur sjálfum öskrandi í gólfið eða hreinlega labba út. Börn virðast geta fundið upp allar mögulegar leiðir til að reyna á þolrif okkar og við bætist álag af væntingum sem við sjálf, samfélagið, fjölskyldur okkar og jafnvel makar gera til okkar.

Einhverja hjálp gæti verið að finna í þessari bók, Buddhism for Mothers, sem lofar mæðrum hagnýtum ráðum í erfiðum aðstæðum og leiðum til að ná jafnvægi í lífi sínu þegar allt virðist fara á hvolf.

ALLT ER NÚ TIL!!!

2008-07-14T19:17:00.003Z

segi ég nú bara en á síðunni ohdeedoh sáum við þessa skó frá Heelarious þeir eru á ungar stúlkur á aldrinum 0-6 mánaða. Er ekki spurning um að mæta með litlu dömuna sína í hælum í fyrsta boðið.
En jamm allt er nú til segi ég nú bara.
Er ekki alveg viss hvað mér á að finnast um þetta, FLOTT EÐA ??? hvað finnst ykkur ???

Veistu hvað þetta er?

2008-07-11T22:29:00.003Z

Ég rakst á þetta þegar ég var að skoða heimasíðu Englabossa um daginn. Ég vissi ekki einu sinni að þetta væri til!
Smellið á lesið nánar til að komast að því hvað þetta er (ef þið eruð jafn grænar og ég!

Já, þetta eru typpahattar! Til að varna því að maður fái sprænuna yfir sig þegar maður er að skipta á litlum gaurum. Allt er nú til segi ég bara!

Frostpinnar fyrir sólbitnar mömur

2008-07-10T23:22:00.004Z

Það er aldeilis búið að vera bongóblíða hérna á suðvesturhorninu og vonandi hjá ykkur hinum líka. Svo mikil blíða að maður getur verið úti léttklæddur langt fram á kvöld og jafnvel snætt úti án þess að vera í dúnúlpu.

Það er mikill spenningur heima hjá mér að búa til frostpinna og má gera þá úr ýmsum ávöxtum eins og jarðaberjum, kíwí, appelsínum, eplum og svo mætti lengi telja, ávaxtasafa, jógúrt með smá slettu af flórsykri til að gera þá eilítið sæta fyrir þá sem vilja og eru þeir mjög vinsælir meðal yngra fólksins.

En á síðunni food+flower+style fann ég eðaluppskrift fyrir okkur í eldri kantinum sem ég prófaði og voru ljúffengir.

Frostpinnar fyrir sólbitnar mömmur

2 stór Mangó

1/4 bolli Lime safi eða vatn

1 lítill þurrkaður chilli (chile de arbol) fræhreinsaður

1 líter vanillur eða kókós ís

Taktu ísinn úr frystinum

Skerðu mangó í blender settu safann með, blandaðu þangað til hann er orðinn silkimjúkur.

Bættu við chilli og blandaðu þangað til hann er orðinn vel brytjaður niður

Settu ísinn í skál og hrærðu í þangað til hann er orðinn mjúkur en ekki bráðnaður

Bættu við púrrunni og settu í frostpinnaform og í frysti.

Regnboga leikfang/hljóðfæri

2008-07-05T21:06:00.001Z

Regnboginn var hannaður af Heiko Hillig. Þetta er eitt mest selda leikfangið frá Naef. Hann hefur hlotið mörg verðlaun þ.á.m. German Design Award Wooden Toys árið 1997.
Regnboginn er frábært leikfang sem örvar tóneyrað ásamt því að bjóða uppá óteljandi möguleika á litaröðun og tónröðun.
Regnboginn fékkst í Börn náttúrunnar en þeir selja hann ekki lengur heldur litla regnbogann sem er ekki síðra leikfang.
Regnbogann í formi hljóðfæris er aftur á móti hægt að panta hér.

Litaðu á vegginn elskan

2008-07-03T22:34:00.004Z

Tick-Tock-Snow er veggfóður sem hefur aðeins útlínur og á eigandinn sjálfur að lita myndirnar. Ég get ímyndað mér að krakkar hefðu mjög gaman af slíku veggfóðri í herberginu sínu.

Veggfóðrið fæst t.d. hérna.

Skvísuskór

2008-07-02T11:33:00.007Z

Á Little Fashion Gallery sáum við þessa sætu silfur skó á ÚTSÖLU! Ég á víst ekki dóttur en vildi benda foreldrum sem hafa ástríðu fyrir skóm og eiga dóttur á silfur skóna.

Skórnir fást hérna.

Flottur gítar!

2008-06-30T23:14:00.004Z

Þessi gítar er svo hrikalega sætur að ég varð að sýna ykkur hann.

Annars er ekki vitlaus hugmynd að sauma sjálfur uppáhalds hljóðfærið sitt í álíka einfaldri útgáfu fyrir litla krílið eða bara til að nota sem púða í stofuna.

Gítarinn fæst hérna

Mæður

2008-06-30T22:29:00.003Z

Hér er áhugaverð grein um heimavinnandi vs. útivinnandi mæður:

Is this the end of the stay-at-home mother?

Þetta er eflaust hægt að ræða endalaust. Hver er ykkar skoðun?

Veisla í muffinsmóti

2008-06-29T21:31:00.004Z

Rákumst á þessa hugmynd á síðunni Tangled and true hvernig gera má snakkið eftir leikskóla eða hádegismatinn girnilegan á skemmtilegan hátt fyrir krakkana. Sitt lítið af hverju og finnst þeim áhugavert að geta valið úr hinum ýmsu tegundum og fengið að vera sjálfs síns herrar.

Þetta þarf ekki að vera flókið, ávextir, grænmeti, brauð, muffinsmót sem fæst t.d. mjög ódýrt í Byggt og búið.

Að læra stafina

2008-06-26T21:47:00.004Z

Ég og strákurinn minn vorum að koma úr tveggja ára afmæli hjá syni vinkonu minnar. Það var auðvitað ofsalega spennandi að fá að skoða dótið hans og ég sat inni í barnaherbergi með þeim tveimur guttum í smástund. Afmælisbarnið átti kassa fullan af eins konar gúmmíbókstöfum og rétti mér stoltur einn og sagði Ká! Og viti menn, það var einmitt stafurinn K sem hann hafði rétt mér. Ég fór að sýna honum aðra stafi og spyrja hvað þeir hétu, og alltaf kom hann með réttan staf. Mér fannst þetta alveg stórkostlegt og um leið og minn litli var sofnaður settist ég við tölvuna til að sjá hvar ég gæti fengið svona. Mér tókst nú ekki að finna þá í neinni íslenskri búð, en ég er nú viss um að þeir fáist í flestum leikfangaverslunum og jafnvel bókaverslunum. Ég fann þessa á myndinni hér fyrir ofan á Amazon, en ég ætla nú að fara á stúfana bráðum og leita að þessu hér heima. Það er svo yndislegt að sjá hvernig augun barnanna okkar ljóma þegar þau vita að þau hafa lært eitthvað - og ókei, ég skal viðurkenna það, ég er keppnismamma :p

Jarðaberjalímonaði

2008-06-25T23:25:00.005Z

yammi þetta er svo gott í allri sólinni hérna á Fróni.

Mér finnst límonaði alveg svakalega gott og þegar ég fer til Bandaríkjanna lifi ég á trönuberjasafa og límonaði, kem heim með glerungslausar og súrar tennur svona næstum því.

En þetta gúmmelaði hef ég gert í sólinni handa mér þar sem ég er yfirleitt ein heima seinnipartinn og líkað svona líka vel við.

Innihald:

1 box jarðaber fersk

8 msk. hrásykur

2 tsk. flórsykur
1.5 bolli nýkreistur sítrónusafi
Sódavatn

Aðferð.

Áður en þið kreistið/pressið safann úr sítrónunum, rúllið þeim létt með lófanum á eldhúsbekknum. Þetta eykur flæðið í safanum í sítrónunni og gerir kreistuna/pressuna auðveldari. Gott er að nota safapressu. Setjið í könnu.
Setjið jarðaberin og 2 tsk flórsykur í blandara og blandið saman.

Allt sett í könnu ásamt sítrónusafanum, sykrinum og fyllið með sódavatni (ca.1-1.5 l.) Bíðið þangað til sykurinn leysist upp, hrærið af og til í. Gott að setja meiri sykur ef ykkur finnst þetta enn of súrt.

BabyC vaggan

2008-06-24T22:54:00.003Z

Á Born rich rákumst við á þessa fallegu vöggu sem segir okkur að börn þurfa líka stíl og flottheit. Kúlulaga formið á vöggunni er fullkomi ð fyrir ungabörnin, líður líklega eins og þau séu komin heim.. Frá móðurkvíði í þægilegt og öruggt umhverfi.
Vaggan er hönnuð fyrir Puur design af Dripta Roy. Hún er alveg jafndýr og hún er flott eða litlar 2650 evrur eða tæpar 350. þúsund krónur.

Heimaslökun

2008-06-24T22:50:00.001Z

Það er mikilvægt fyrir okkur öll að slaka á og endurnærast. Foreldrastarfinu getur fylgt mikil streita og þreyta, og því sérstaklega mikilvægt fyrir þá sem eiga ung börn að huga að sjálfsrækt. Það er þó stundum auðveldara sagt en gert, því þegar börnin eru loks komin í háttinn bíða staflarnir af ósamanbrotnum þvotti, uppvaskið og tiltektin og glotta framan í okkur. Það er ekki auðvelt að finna tíma til slökunar en þó er þetta eitthvað sem allir ættu að gera á hverjum degi. Það gerir okkur hiklaust að betri foreldrum og betri manneskjum. Sem betur fer er stundum hægt að stytta sér leið og ég er mikill aðdáandi Aveda varanna í þessum tilgangi.

Slakandi ilmgjafar í Calming Body Cleanser fengnir úr rósum, vanillu og lofnarblómum gefa líkama og huga tækifæri á því að slaka á í hvert sinn sem þú þværð þér í sturtunni.

Soothing Aqua Therapy inniheldur steinefna ríkt salt sem er fengið úr Dauðahafinu en það hefur verið þekkt öldum saman fyrir endurnærandi eiginleika sína. Húðin verður mjúk og spennu og álagseinkenni hverfa. Leyfðu þér að slaka á í baði í 10-20 mínútur af og til, og ekki skemmir að kveikja á góðu ilmkerti og jafnvel setja róandi geisladisk á.

Þessar og fjöldinn allur af öðrum vörum, fást á ýmsum hárgreiðslustofum um land allt, og auðvitað í Aveda versluninni í Kringlunni. Ég mæli með því að kíkja þangað og athuga úrvalið.

Litli tvíbbinn minn

2008-06-23T21:55:00.000Z

Við fundum síðu sem heitir My tiny twin og á síðunni er að finna dúkkur sem hægt er að kaupa og fá á þær alveg eins föt og á barnið sitt. Heita dúkkurnar einmitt My tiny twin eða litli tvíburinn minn.
Síðan er reyndar öll á hollensku en það er hægt að panta þessar dúkkur og fötin þar en fötin eru frá Mim-pi sem er mjög smart hollenskt fatamerki.
Það hefði nú verið gaman að eiga alveg eins föt á dúkkuna sína þegar maður var lítill.

Hverjum líkist dúkkan?

2008-06-23T21:30:00.003Z

Hjá Uncommon Goods eru til sölu dúkkur sem maður fær sjálfur að ákveða útlitið á. Dúkkunum fylgja video leiðbeiningar og efni til að vinna þær.

Væri ekki gaman að útbúa dúkkur sem líkjast hverjum og einum í fjölskyldunni?

Dúkkurnar fást t.d. hérna

Frábær búbót

2008-06-23T00:18:00.003Z

Á Boing Boing Gadgets fundum við þessa frábæru mæliskeið. Hún væri eflaust dýrasta mæliskeið sem keypt hefði verið á heimilið en framleiðandinn heldur því fram að nákvæmni skeiðarinnar sé upp á 1/10 úr grammi. Á Boing Boing Gadgets mæla þeir með að skeiðin sé tilvalin til að vigta "saffran, trufflur, balsamik og krakk" en hið síðastnefnda nýtist líklega eingöngu mjög þröngum hópi fólks sem er í mæliskeiðahugleiðingum.
Á ProIdee er hægt að panta þessa frábæru skeið og senda þeir hingað á Frón. Er ég viss um að litlir sem stórir stráklingar hefðu gaman af að mæla allt það skemmtilega sem leynist í eldhúsinu með þessum skemmtilega grip.

Ekki bara sætur bangsi heldur líka teppi og koddi

2008-06-22T22:25:00.006Z

Þessi ljóna bangsi er einn af böngsunum frá Zoobie Pets sem eru hannaðir til að leika, sofa og elska. Bangsarnir hafa fengið fjölda viðurkenninga og eru feikilega vinsælir á meðal fræga fólksins;)

Zoobie Pets fást t.d. hérna

Húsráð

2008-06-18T21:19:00.004Z

Það eru til fjölmörg húsráð og eru þau misgóð eins og þau eru mörg.

Eitt húsráð með að venja börn á að pissa í kopp virðist virka ótrúlega vel heima hjá vinkonu minni og munum við brátt nota sama ráð á barnið okkar.
Þegar þau byrja að nota kopp finnst þeim voðalega spennandi að eitthvað komi í koppinn og gleðjast ógurlega yfir því að eitthvað komi í hann.
Það er fátt leiðinlegra en að þurfa sitja á koppinum og ekkert kemur. Mamman orðin pirruð og barnið hundfúlt útí þetta apparat sem það þarf að sitja á í heila eilífð.

Húsráðið sem við fengum hjá einni góðri vinkonu var að um leið og þau vakna þá tekur maður fram koppinn, fjarlægir bleyjuna, setur barnið eldsnögtt berrassað á gólfið (sitjandi þá) og beint á koppinn þá á morgunbunan að koma í koppinn.
Hefur þetta gengið eins og í sögu heima hjá vinkonunni og litli snáðinn hættur með bleyju.
Sjáum svo til hvort þetta virki á krílið á þessu heimili.

Hvítlaukspressa á hjólum

2008-06-16T21:29:00.004Z

Á Amazon fundum við þessa frábæru hvítlaukspressu ef pressu mætti kalla. Hún er eins og lítill bíll og ætti því að vera auðvelt að fá kallinn til að hjálpa til í eldhúsinu. Hann gæti keyrt um eldhúsbekkinn.

Maður setur einfaldlega afhýddan hvítlauksgeira í efri hlerann á þessu litla apparati, lokar hleranum og rúllar apparatinu fram og aftur með smá pressu á efri hlerann.

Svo opnar maður hlerann og búmmsjakabúmm hvítlaukurinn er til.

Apparatið má setja í uppþvottavél.

Ein sniðugasta leiðin til að merja hvítlauk sem við höfum séð hérna á Obbosí.

Kostar aðeins $9.99, það er ekki mikið fyrir að hafa vellyktandi hendur eftir eldamennskuna.

Móðurmál.com

2008-06-15T22:09:00.003Z

Það er gífurlega mikilvægt fyrir börn sem eiga annað eða bæði foreldri af erlendu bergi brotnu, að fá að kynnast menningu og tungumáli sínu. Móðurmál er félag um móðurmálskennslu tvítyngdra barna og á heimasíðu þeirra segir:

"Meginmarkmið félagsins er að gefa tvítyngdum börnum tækifæri til að læra og viðhalda eigin móðurmáli og menningu. Rannsóknir hafa enda sýnt fram á að börn sem fá að læra tungumál foreldra sinna eiga auðveldara með að læra nýtt tungumál, í þessu tilfelli íslensku.
Móðurmál leitast við að styðja kennara félagsins, afla þekkingar á tvítyngi og hvetja foreldra sem eiga tvítyngd börn til að veita börnum sínum tækifæri til að kynnast eigin móðurmáli og menningu.
Móðurmálskennsla eða leiðbeiningar fyrir tvítyngd börn hefur verið í boði hér á Íslandi síðan árið 1994 en félagið Móðurmál var formlega stofnað árið 2001. Tilgangur félagsins var og er að þróa tungumálanám með skýrum markmiðum og námskrá. Námið er fjármagnað með skólagjöldum og styrkjum.
Námskeiðin sem haldin eru hjá Móðurmáli eru sérstaklega ætluð þeim börnum sem búa við tvö eða fleiri tungumál á sínu heimili. Móðurmál hefur boðið upp á námskeið í ensku, litháísku, rússnesku, spænsku, japönsku, arabísku, kínversku, pólsku og tælensku. "

Nánari upplýsingar um námskeiðin er að finna hér.

Fallegar flíkur

2008-06-15T20:30:00.010Z

Þessi fallegi kjóll er frá franska merkinu Maje. Hann er reyndar ekki hannaður sem meðgöngukjóll frekar en annar fatnaður frá Maje en eru fötin frá þeim samt sem áður ótrúlega vinsæl meðal barnshafandi kvenna og nýbakaðra mæðra. Ástæðan er að sniðin hjá þeim eru einstaklega klæðileg fyrir konur með kúlur framan á sér eða mjúkan vöxt þar sem að þau eru þröng og víð á "réttu stöðunum".

Kjóllinn fæst t.d. hérna

Home mummy eru með afskaplega fallegan meðgöngufatnað og langar mig til að sýna ykkur nokkrar flíkur frá þeim sem mig myndi langa í ef ég væri komin með þriðju kúluna...

1. Merino ullarpeysa sem fæst t.d. hérna

2. Galakjóll eins og Jenna Frost úr Atomic Kitten´s klæddist á rauðadreglinum.

Kjóllinn fæst t.d. hérna

3. Og ekki er þessi svarti kjóll síðri....

Kjóllinn fæst t.d. hérna

Ekki lengur bækur undir höfuðgaflinn

2008-06-12T20:40:00.004Z

Fyrir sautján árum fékk Margareta Persson þá hugmynd að hanna ungbarnarúmskubba til að hækka höfuðgafl á rúmum barna. Í dag er Margareta framkvæmdarstjóri sænska fyrirtækisins Spacebabies.
Hugmyndina fékk hún þegar elsta barnið hennar, sem var svokallað eyrnabarn, þjáðist á þrálátri eyrnabólgu og hafði hún reynt að finna hentugustu lausnina til að hækka höfuðgaflinn. Hafði hún oft hækkað höfuðgaflinn upp með bókum.
Baby Bed Blocks™ samanstendur af sex kubbum gerðum úr non-toxic plasti sem þú getur raðað hvern ofan á annan. Þessir sex kubbar geta hækkað rúmið um allt að 10 cm miðað við 3 kubba á hvorn rúmfót. Þeir passa undir vel flest rúm.
Sænskir barnalæknar mæla með Baby Bed Blocks™. Þeir mæla með þeim í stað þess að börn noti t.d. kodda til að eiga auðveldara með að anda og lina sársauka. Það er einnig hægt að nota Baby Bed Blocks™ þegar barnið er fullfrískt í staðin fyrir kodda.
Þegar barnið er hætt að þurfa að nota kubbana undir rúmið má leika sér með þá, bæði sem kubba og t.d. ílát undir leir svo eitthvað sé nefnt.
Kubbarnir fást í nokkrum búðum hér á landi og hægt er að sjá lista yfir þær hér undir where to buy.

-

The Ninna Nanna Bassinet

2008-06-11T22:39:00.003Z

Monte Design Group hönnuðu þessa flottu vöggu. Hönnunarhópurinn er á þeirri skoðun að vöggur eigi ekki að líta út eins og rjómatertu brúðarkjólar frá 1980 heldur vera stílhreinar, með yfirburða gæði og 100% þægilegar. Vöggurnar eru handgerðar í Kanada og verð ég að segja að þetta hljómar allt rosalega spennandi!

Vaggan fæst hér.

Fjölskyldan á borðum

2008-06-10T20:36:00.005Z

Leirlistakonan May Lukt sameinar tvær ástríður sínar, keramik og myndskreytingar í fallegu djúpu diskunum sínum "Bespoke Silhouette Bowl From Your Photo".

Eins og nafnið gefur til kynna gerir hún diska eftir vangamyndum sem kaupandinn sendir henni. Diskarnir eru því afskaplega persónulegir og skemmtilegt að hafa þá við borðhaldið eða bara til skrauts.

Diskarnir eru mjög notendavænir og þola bæði að fara í uppþvottavél og örbylgjuofn.

Þeir eru tilvaldir í gjöf handa ástvinum... eða bara handa manni sjálfum.... ég væri til í að safna mér í sett af allavega 12 vangasvipum!

Diskarnir fást hérna.

Frábærar hillur

2008-06-09T20:34:00.003Z

Sá þessar frábæru hillur á yankodesign.com og vá hvað ég hefði gefið mikið fyrir að eiga svona hillur þegar ég var í námi í Flórens. Þá hefði sko ekki verið neitt mál að flytja milli íbúða endalaust.

PLoP hillan er hönnuð af Joyce Hong. Hillan er búin til úr umhverfisvænum rásuðum borðum og er ekki nema rétt um 1,8 kíló. Helsti kostur hillunar er sá að hægt er að fella hana saman þannig að auðvelt er að flytja hana á milli staða, jafnvel í strætó. Svo þegar heim er komið þá er nánast hægt að setja hana upp með einu handtaki og hönnunin er þannig að hún ber gríðarlegan þunga miðað við eigin þyngd. Það besta við hillustæðuna er að hægt er að fjölga hillunum uppí 6, 8 eða 10 og samt er ennþá hægt að brjóta hana saman að notkun lokinni. Efnið í hillunni er gert úr endurunnum pappamassa þannig að þegar námsárunum lýkur þá er hægt að halda áfram að nota hana eða hreinlega endurvinna hana eins og hún leggur sig.

Ég fann ekki út hvar hægt er að nálgast hilluna en sendi þeim email og sjáum hvort þeir svari ekki um hæl.

Litlir listamenn

2008-06-08T22:26:00.007Z

Við viljum öll leyfa sköpunargleði barna okkar að njóta sín og ég veit að strákurinn minn elskar að mála. Stundum er maður bara ekki alveg í stuði til að eyða helmingi meiri tíma í að laga til og þrífa eftirá en fór í listsköpunina sjálfa. Þá er gott að það er komið sumar og það er hægt að sleppa sér lausum utandyra. Hér er uppskrift að eins konar krítarmálningu sem er auðvelt að gera (af library collective):

Setjið 1/4 bolla af maísmjöli í nokkur ílát (sultukrukkur, skyrdollur, gosflöskur sem búið er að skera toppinn af, eða bara hvað sem þið eigið í eldhúsinu).

Hrærið 1/4 bolla af vatni út í maísmjölið (það gæti tekið smá tíma að fá það til að blandast vel, passið bara að setja maísmjölið í ílátin á undan vatninu).

Þegar blandan er orðin fín, bætið þá nokkrum dropum af matarlit útí hvert ílát. Endilega leikið ykkur líka með mismunandi litasamsetningar og styrk litanna.

Þá er ekkert eftir nema að byrja! Ef þið verðið leið á listaverkunum úti á stétt er ekkert mál að sprauta vatni yfir þau og þau hverfa eins og dögg fyrir sólu. En þar sem við búum á Íslandi er lítil hætta á að rigningin sjái ekki um þessa hlið málanna fyrir okkur.

Mangó Lassi

2008-06-08T00:00:00.003Z

Hér kemur uppskrift af Mangó Lassi.

Þetta er uppskrift sem ég geri yfirleitt alltaf og ef ég nota hann sem eftirrétt set ég stundum öggulítið af kardimommufræjum eða dropum í hann og set hann í smástund í frystinn og ber fram með t.d. jarðaberjum og bláberjum.

250 ml. ab-mjólk

130 ml. mjólk

3 fersk og vel þroskuð mangó (hef einnig sett smá mangódjús ef úrvalið af mangó er ekki upp á marga fiska)

4 tsk. hrásykur (hef einnig oft sleppt sykrinum sem er líka mjög gott)

Sumir setja smá salt.

En þar sem ég er með mjólkuróþol hef ég notað Rísmjólk og þá er best að nota mjólkina frá Provamel eða bara ab-mjólkina.

Mangó Kokteill

2008-06-07T11:02:00.004Z

Á The Kitchn fundum við þessa girnilega uppskrift af mangó kokteil. Á veturna geri ég oft Mangó Lassi og nota í eftirrétt eða bara til að drekka því mér finnst hann alveg ótrúlega ljúffengur. En nú er komið sumar og þá er kannski svolítið þungt í magann að drekka Mangó Lassi meðan bóndinn teigar bjór við grillið.

Þessi kokteill er því tilvalinn við grillið í sumar

Mangó Kokteill fyrir 1
30 ml.fersk mangó púrra- gerð með fersku Mangó*

45 ml. vodka

30 ml. sítrónusafi**

30 ml. heimalagað síróp ***

60 ml. kalt sódavatn

Mangó sneiðar og sítrónustrimlar

Setjið í hristara Mangó safa, vodka, sítrónusafa, síróp, klaka og hristið þangað til að það er vel blandað.

Setjið í glas fyllt af ís og fyllið upp í glasið með köldu sódavatni. Skreytið með mangósneiðum og sítrónustrimlum.

*Mangó Púrra: Meðalstórt mangó = 1 bolli skorinn í teninga=1/2 bolli púrra

**Ferskur sítrónu djús: 1 meðalstór sítróna= ca. 60 ml. safi

***Síróp: Blandið saman 1:1 vatni og sykri. Látið suðuna koma upp og setjið þá sykurinn í vatnið og látið hann leysast upp og kælið.

Og ef maður er ekki í stuði fyrir vodka þá má alveg gera hann áfengislausann, hann er alveg jafngóður þannig.

Skúra, skrúbba og bóna!

2008-06-05T21:44:00.004Z

Það getur verið erfitt að finna tíma til að þrífa heimilið almennilega. Ég og maðurinn minn vinnum bæði fulla vinnu (og stundum meira en það), en reynum samt að halda kvöldum og helgum lausum við stórhreingerningar. Eitt besta ráð sem ég hef fengið er að fá barnapíu til að koma einn eða tvo eftirmiðdaga í viku og leika við strákinn á meðan ég sinni heimilisstörfunum. Ég er nýbyrjuð að reyna þetta, stelpan hefur komið til mín tvisvar, en strákurinn er ennþá að venjast henni svo það er ekki komin mikil reynsla á þetta enn. Ég fór hins vegar á stúfana (á Google) til að leita mér að góðum ráðum til að láta þrifin ganga hraðar fyrir sig og fann nokkur sem ég læt fylgja hérna:

Lagaðu til á meðan þú eldar. Gakktu frá hveitinu/sykrinum/kryddinu um leið og þú ert búin að nota þau. Ef þú hefur bara notað desilítramál til að mæla hveiti, er nóg að strjúka það að innan með rökum klút og ganga frá því. Settu líka notuð ílát og diska strax í uppþvottavélina, það minnkar draslið og þú færð meira pláss til að elda og baka. Maður nýtur líka matarins betur ef eldhúsið er nokkurn veginn hreint og fínt á meðan maður borðar.

Leyfið börnunum að taka þátt. Þau eldri geta hjálpað til við uppvaskið og þvottinn, en þau þurfa ekki að vera há í loftinu til að geta verið með. Eftir kvöldmatinn í kvöld lágu hrísgrjón út um allt gólf og þegar ég ætlaði að fara að ryksuga vildi strákurinn minn (rétt orðinn tveggja) endilega fá að leika sér með ryksuguna. Ég bara leyfði honum það, og viti menn, hann ryksugaði flest hrísgrjónin, eitt í einu, á meðan ég kláraði uppvaskið!

Reyndu að ná nokkrum verkum áður en þú ferð út á morgnana (getur verið mjög erfitt þegar maður er að reyna að koma sjálfum sér og barni/börnum út úr húsi á réttum tíma). Ég reyni þó að taka uppvaskið á meðan strákurinn fær sér morgunmat, það er hægt að kippa ruslinu með sér út, og svo er nú alltaf gott að venja sig á að búa um þegar maður fer á fætur. Það hjálpar líka mikið að koma ekki að öllu í drasli þegar maður kemur heim úr vinnunni og ætlar að fara að elda kvöldmatinn.

Þegar börnin eru í baði (ef þau eru það stór að þú þarft ekki að halda við þau á meðan þau eru í baðinu, en er nóg að þú sért inni hjá þeim og fylgist með þeim), getur þú haft þig til. Ég er farin að geta farið í sturtu með strákinn með mér inni á baði, hann dundar sér við að busla í vaskinum eða leikur sér með eitthvað dót. Svo er upplagt að skella honum í bað á meðan ég hef mig til, greiði mér og mála. Þetta ætla ég að notfæra mér um helgar, þar sem ég ætla nú ekki að fara að baða barnið á virkum dögum áður en hann fer í leikskólann.

Þetta fannst mér besta ráðið og ætla að notfæra mér það þegar strákurinn fær kvöldbaðið sitt. Ef hann fengi að ráða efast ég um að hann færi nokkuð upp úr. Þá er upplagt að nota tímann til að skrúbba vaskinn og klósettið.

Nú svo er auðvitað alltaf gott að vera með fastlagt hvenær hvað er gert, vera með eins konar stundaskrá fyrir heimilisþrifin. Það myndi ekki henta mér þar sem enginn dagur er eins og ég get ekki vitað fyrirfram hvort ég hafi alltaf tíma til að þrífa á fimmtudögum og kaupa í matinn á föstudögum eins og foreldrar mínir, en fyrir þá sem geta það er það afbragðsráð.