NANO barnastóllinn

Á Coochicoos rákumst við á þennan frábæra barnastól. Eins og flestir foreldrar vita fylgir ungum börnum alveg óhemjumikið dót og er það misjafnlega plássfrekt og misauðvelt að pakka því saman svo lítið fari fyrir því.

Nano barnastóllinn frá bloom er frábær lausn fyrir þá sem eiga við plássleysi að stríða. Stóllinn er straumlínulöguð og látlaus samtímahönnun sem sómir sér á hvaða heimili sem er.

Sundurtekinn tekur þessi stóll minna pláss en flestir sambærilegir barnastólar og plúsinn við hann að það er hægt að leggja hann nánast alveg saman, þannig að hann tekur samasem ekkert pláss.
Stóllinn er hannaður með barnið í huga með stillanlegum fótskemli og þægilegu micro-leðuráklæði sem auðvelt er að þrífa.

Stólinn er hægt að fá í bleiku, súkkulaðibrúnu, bláu og hvítu.

Sundurtekinn er stóllinn 66 cm á breidd x 88 cm á lengd x 106 cm á hæð.
Samanbrotinn er stóllinn 29 cm á breidd x 127 cm á hæð.

Stólinn er hægt að panta á heimasíðunni Giggle en þeir senda því miður ekki til Íslands þannig að þá er nú aldeilis gott að styðjast við ShopUsa.